Matoshi: Më mirë investime në ekonomi, sesa 1 miliard për Autostradën e Dukagjinit

Edhe partia e zëvendëskryeministrit të Kosovës, Behgjet Pacolli, është kundër projektit për ndërtimin e një autostrade në Dukagjin.

Ministri i Mjedisit dhe Planifikimit Hapësinor, njëherësh Kryetar i Kuvendit të Aleancës Kosova e Re, Fatmir Matoshi, ka thënë se “më mirë do të ishte që të investohej në zhvillim ekonomik në Dukagjin, sesa në asfalt”.

Ndërtimi i kësaj autostrade, sipas Matoshit, “do të kushtojë rreth 1 miliard euro”.

“Ka nevojë dikush, një institucion, ndoshta pak më i pavarur, pak më profesional, pak më kredibil, të vlerësojë a kemi nevojë për autostradë të Dukagjinit”, ka deklaruar ai në emisionin “DPT Te Fidani”, në televizionin T7.

“Nëse ka nevojë, cila është arsyeja, cilat janë përfitimet që do t’i kenë qytetarët, cilat janë dëmet që mund t’i kenë ata prej saj”, ka thënë më tej ai.

“Duhet të bëhet një tip studimi, të cilin pastaj duhet ta aprovojmë si subjekte politike”, është shprehur Matoshi.

Leave a Reply

Your email address will not be published. Required fields are marked *

error: Content is protected !!